سوموكلريمده سيز سيز سيزيلدايان سوزجوكلر ،تئللرينده اسيم اسيم اسن آزادليق ،تاريخين كار قولاغيندا ايري حلبي تك جينگيلدييه جينگيلدييه قالان ، الده ن اله كئچيب بارماقلارين ايزله رينده ايتن بير آنلام  ، بارماقلاريلا  ايسارت هورگوسون هوروب سوموكلريمي بنده چكن سوزجوك ،ياراشيق سيز يئرلري بئزه ييب بئيين لرده سللوللارين ساييجا پارچالانان،تنگه گليب خسته خانا تختينين اوستونده بير داملا اوكسيژنه يالواران آزادليق ، سياستچي لرين هاي كوي لرينده هويوخوب سارساخلايان  ، بئز قالاسينين يوللاريندا  ايزلره سريليب گوزلرين ببكلرينده بايراقلانان، ساتان و ساتيلان، اوره گيمده قالان، اوچان ،ايشيق ساچان و ظولمتي باغرينا باسان ،اللرده چيچكلنه چيچكلنه داليدان تاخيلان خنجر ، تاريخين قولاغين كار ائده ن  سوزجوك ، نه بيليم كورتلشميش پيچاق تك ، پيچاق آنلامين سوروتله ييب  بير سوغاني كسمه يه قادير اولمايان  سوزجوك .